Гимназиядә милли бәйрәмнәр үткәрү традициягә кергән. Быел да "Нәүрүз" бәйрәме күңелле, мавыктыргыч үтте. Кыш бабай (Хабибуллина Д.Г.) һәм Кар кызы (Гафиятуллина Л.Р.) кышның соңгы бураннарын туздырса, Яз кызы (Касымова Ч.Ф.) кояш, җылылык һәм елмаю алып килде. 2 нче класс курайчылары башкарган көйләр табигатьне уятып җибәрсә, аккардион тавышы дөньяга җан өрде. Аннан соң кара каргаларны сәламләп каршы алдылар, ә алар билгеле инде "карга боткасы" белән сыйладылар. Гимназия ишек алды гөрләп торды. Оештыручы-педагог Рәзинә Гәрәфетдин кызына рәхмәтебез зур.