Чкалов урамы тарихы.

«Дары бистәсе»ндә 1920-нче елларда «Полевой переулок» яки «2-нче Полевой переулок» исемле урам телгә алына. 1927 елда ул «Поперечно-Полевой переулок» дип үзгәртелә. Урам исеме ландшафт үзенчәлекләрен чагылдыра. Заманча урамның көньяк өлешендәге урын инкыйлабка кадәр үк утырылган була, ә урамның үзе шәһәр магистрале буларак совет чорында формалаша. Бу урамда бер катлы агач йортлар гына була.

 1937 ел ахырында урамга Советлар Союзы Герое, очучы-сынаучы Валерий Павлович Чкалов исеме бирелә. Элек урамнар перпендикуляр рәвештә Фабричная, Байдуков, Фурштатская, Стахановская урамнары белән кисешкән. 1960-нчы еллар уртасында «Первая Пороховая» (Окольная) урамындагы барлык шәхси йортлар һәм мәчет «квартал төзелеше» вакытында сүтелә. Күпфатирлы йортлар төзелеше 1970-нче елларга кадәр дәвам итә. Чкалов урамы белән кисешкән Стахановская урамындагы 18 нче шәхси йорт та сүтелә. Йорт урынында 1971 елда 73 нче номерлы урта мәктәп төзелә. Хәзерге вакытта бу урында ГМББУ«4 нче гимназия» урнашкан.

Бүген Чкалов урамы Повстанческая, Фабричная, Полевая урамнарын кисеп үтә, Краснококшайская урамыннан башланып, Батыршин урамы (элекке исеме – Байдуков) белән кисешкән урында тәмамлана. Чкалов урамында түбәндәге биналар урнашкан:

4/2 нче торак йорт фасадындагы мурал – авторы А.Алеев, 2019 ел.

6 нчы йорт —80 нче номерлы «Тамчылар» балалар бакчасы».

1, 2, 7, 7а, 10, 11 нче йортлар — торак йортлар.

7б нче йорт — Чкалов мунчалары (Чкаловские бани).

8 нче йорт — Казанның шәһәренен Киров районы "Татар телендә белем бируче 4 нче гимназия"  муниципаль бюджет гомуми белем бирү учреждениесе.

15 нче йорт — 32 нче балалар китапханәсе