Галәмгә беренче мәртәбә юл ачкан тарихи вакыйганы һәм легендар Юрий Гагаринны искә алмаган кеше юктыр.

Дөньяда беренче мәртәбә кешенең космоска оча башлавын билгеләп үтү йөзеннән СССР Югары Советы Президиумының 1962 елның 9 апрельдәге Указы белән 12 апрель Бөтендөнья авиация һәм космонавтика көне дип игълан ителде. 1961 елның 12 апрелендә СССРда, дөньяда беренче булып, кеше утырган корабль космоска очты.  

Кисеп ябыштыру шөгыле балаларның иң яраткан шөгыльләренең берсу булып тора. Аларның төсле матур кәгазьләргә карап күңелләре күтәрелә, шулай ук кисеп ябыштыру техникасы балаларның кызыксынучанлыкларын арттыра.

1 апрельдә Халыкара кошлар көне-интернациональ экология бәйрәме билгеләп үтелә. Әлеге бәйрәмнең вакыты очраклы гына билгеләнмәгән: нәкъ шушы чорда җылы яклардан канатлы дусларыбыз кайта башлый. Өлкәннәр һәм балалар бу көнне су кошларының яшәү урыннарын төзекләндерә, яңа сыерчык оялары, җимлекләр элеп куя.

Балалар табигать почмагында шөгыльләнергә бик яраталар. Алар бүлмә гөлләрен бик теләп карыйлар, күзәтүләр алып баралар.

Бүген зур бәйрәм-Нәүрүз бәйрәме. Нәүрүз ул-Яңа ел, яңа көн дигәнне аңлата. 21 март-яз фасылының көн белән төн тигезләшкән көне. Бу табигатьтә чын-чынлап яз башланган көн. Сезнең барыгызны да әлеге бәйрәм белән кайнар котлыйбыз!

Нәүрүз мөбәрәк булсын!!! 

Бүген Гарапова Гульнас Наиловнаның туган көне. Сезне туган көнегез белән котлыйбыз. Сезгә аяз күк, корычтай нык сәламәтлек, кояштай озын гомер, чиксез шатлыклар телибез.

Туган көнегез белән котлыйбыз,

Ак бәхетләр сезгә телибез.

Гомер юлыгыз озын булсын,

Кайгы-хәсрәт урап үтсен. 

Безнең бүген балалар Кайбыч муниципаль районы балалар бакчасында тәрбияләнүче 6-7 яшьлек балалар арасында "Татар малае, татар кызчыгы 2022" бәйгесе уздырды. Безнең "Сандугач" балалар бакчасыннан Әскәров Нияз катнашты.

Котлы булсын 8 нче март бәйрәме,

Юлларыгызга гөлләр сибелсен,

Март аеның саф җилләре сезгә

Бәхет-шатлык кына китерсен.

Көннең яктылыгы кояшта, күкнең бар матурлыгы йолдызларында, кешелекнең бөтен гүзәллеге хатын-кызларда. Рөхсәт итегез сезне, кешелекнең бизәге булган гүзәл затны, шушы искиткеч матур яз бәйрәме

-Халыкара хатын-кызлар көне белән тәбрик итәргә...Шушы гаҗәеп гүзәл бәйрәм көнендә елмаеп баккан кояштай һәрвакыт балкып яшәгез. Күңелегездән шатлык, тәнегездән саулык-сәламәтлек, йортыгыздан иминлек-бәракәт китмәсен! Бәйрәмегез котлы булсын!