Һәр халыкның теле-аның мәдәнияте, тарихи көзгесе. Безнең татар телебез – матур, бөек тел. Аның матурлыгы халык җырларында, әдипләребез иҗатында. Халыкара Туган телләр атналыгы уңаеннан мәктәбебездә төрле чаралар үтте. 5 нче сыйныф укучылары Г. Тукайга багышланган “Телең белән ачыла, халкым, чишмәдәй саф күңелең!” дигән иртә үткәрделәр. Укучылар сәнгатьле итеп шигырьләр сөйләделәр, туган телгә багышланган җырлар башкардылар. Татар теле һәм әдәбияты укытучысы Алексеева Роза Николай кызы “Анам биргән туган тел, атам биргән корал тел” мәкале белән иртәгә йомгак ясады.