Соңгы елларда республикабызда, шәһәр һәм авылларда автотранспорт  саны, юлларда машина хәрәкәте бик нык артты. Шуның нәтиҗәсендә балаларның юл-транспорт һәләкәтенә юлыгу куркынычы да көчәя. Күп кенә очракта бу куркыныч һәләкәткә балалар үзләре сәбәпче була. Шуңа күрә, балаларга мәктәпкәчә яшьтән үк юл йөрү куркынычсызлыгы кагыйдәләрен өйрәтергә кирәк.

Куркынысызлык айлыгы кысаларында 3,4 сыйныф укучылары безнең балалар бакчасына кереп "Юл билгеләрен беләсеңме?" дигән ачык чара үткәрделәр. Укучылар светофор, транспорт, юл билгеләре турында шигырьләр, җырлар җырладылар, балаларга үзләре ясаган буләкләрен тапшырдылар. Бакча балалары да читтә калмады, бик күп биремнәргә, табышмакларга җавап бирделәр. Бу чараны оештырып, безгә күңелле мизгелләр бүләк иткән сыйныф җитәкчесе Сафина Мәдинә Салих кызына, укучыларга зур рәхмәтебезне җиткерәбез.