6-нчы декабрь көне Иске Казиле гомүми урта белем бирү мәктәбендә математика, информатика, физика, татар мәктәпләрендә эшләүче  башлангыч сыйныф укытучыларының “Дәүләт белем бирү стандартларын тормышка ашыру шартларында укытуның заманча методларын һәм алымнарын куллану” темасына район методик берләшмә утырышлары булып үтте.

Укытучылар Зиганшина Р.Ш., Шангараева З.И., Габидуллин И.И., Сафина М.С., Латыйпова Р.А. коллегаларына ачык дәресләр, мастер-класслар күрсәттеләр. Икенче өлештә Садреева Г.Х. җитәкчелегендә 3-4- нче сыйныф укучылары тарафыннан әзерләнгән “Сертотмас үрдәк” әкияте куелды.

Соңыннан предмет укытучылары түгәрәк өстәл артында үзләренең эш тәҗрибәләре, фикерләре белән уртаклаштылар, кызыксындырган сорауларга җавап эзләделәр, якын көннәрдә булып узган предмет олимпиадаларының район турына, 9-нчы, 11-нче сыйныфларда математикадан үткәрелгән сынап карау имтиханнарына анализ ясадылар.

Методик көннең нәтиҗәле һәм уңай шартларда үтүе Иске Казиле урта мәктәбе җитәкчеләре һәм педагогларының зур тырышлыгын тагын бер кат ассызыклады.