Быел без бөек татар шагыйре Габдулла Тукаебызның 130 еллыгын билгеләп үтәбез. Шәһәребез мәктәпләрендә олы юбилейны инде апрель ае башыннан ук төрле чаралар үткәреп башлап җибәрделәр. 6 нчы мәктәп укучылары һәм укытучылары да бу җәһәттән читтә калмыйлар. Һәр сыйныфта Г.Тукайга багышлап нинди дә булса чара үткәрелә. Без 4 сыйныф укучылары белән “Тукайның үлмәс мирасы” дигән кичә үткәрдек. Укучылар бөек шагыйребезнең тормыш юлы һәм иҗаты турында белемнәрен күрсәттеләр, шигырьләрен сөйләделәр, әкиятләрен сәхнәләштерделәр. Иң кызыгы, мөгаен, “Шүрәле” әкияте булгандыр. Балалар рольләргә кереп беттеләр, әйтерсең, чын артистлар! Шундый укучыларыбыз булганда, чынлап та, Тукаебыз һәрвакыт безнең белән булачак! УсмановаТ.Г.