Кукла Барби всем на радость.
     Красоту не занимать!..
     Платье, туфельки на зависть!
     Есть свой дом, своя кровать!

Курчак – балаларның яраткан уенчыгы. Ә сез аның кайчан һәм кайда барлыкка килгәнен беләсезме?

 – Беренче курчаклар 4 мең ел элек Мисыр пирамидаларында табыла. Алар таш, агач, фил сөягеннән ясалган була. Курчакларны дини йолаларда яки кара көчләрне куу өчен кулланганнар.

– Курчак ясау һөнәрчелеге безнең эрага кадәр 5 гасырда Борынгы Грециядә барлыкка килә. Аларны яндырылган балчыктан ясыйлар. Мондагы Сордис шәһәре уенчык үзәге булып санала.

– Курчак – кукла сүзе грекча «киклос» – түгәрәк, төргәк дигән сүздән барлыкка килгән. Чөнки элек бу уенчыкны төреп ясыйлар. Иске тукыма эченә көл, мамык, ярма тутыралар. Шулай ук балчыктан, балавыздан әвәлиләр, печән, саламнан эшлиләр. 

 – Бүгенге курчаклар сөйләшә, йөри, елый, йоклый ала. Аларның төрләре дә бик күп: пластмасстан, чүпрәктән, бәйләнгән.

– Иң популяр курчакларның берсе ул – Барби. Ул 1959 елда Америкада Рут һәм Эллиот Хендлерлар гаиләсендә барлыкка килә һәм кызларының исеме бирелә. Бүгенге көндә бу курчакның зур гаиләсе, өе, машинасы, киемнәре, йорт хайваннары бар.

Кызлар шулай ук хайваннар рәвешендәге яки мультфильм, әкият геройларына охшатып ясалган курчаклар белән яратып уйный.