Россия Федерациясенең Мәгариф министрлыгы, Федераль белем бирү үзәге белән берлектә, 2023 елның 11 декабреннән 15 декабренә кадәр «Сәламәт туклану атнасы» уздырыла. Акция укучыларга сәламәт туклануның әһәмияте турында мәгълүмат бирү дәрәҗәсен арттыру максатларында уздырыла. Шул уңайдан гимназиядә 1-11 нче сыйныф укучылары белән сәламәт һәм баланслы туклану турында интерактив дәресләр, викториналар, мастер-класслар үткәрелде. Әлеге чараларның максаты - укучыларны «Дөрес туклану» төшенчәләре белән таныштыру, файдалы продуктлар, меню, туклану культурасын тәрбияләргә өйрәтү. Бүген иң мөһим бурычларның берсе - балаларда үз сәламәтлекләренә карата җаваплы мөнәсәбәт формалаштыру. Гимназистлар иммунитетны арттыру өчен нинди продуктлар кулланырга кирәклеге турында сүз алып бардылар.

Үзеңнең яшәү рәвешеңне һәм азык гадәтләреңне яхшы якка үзгәртергә тырышу беркайчан да соң түгел! Укучылар дәресләр барышында азыкның төрле булырга тиешлеген ачыкладылар һәм, әлбәттә, милли гореф-гадәтләрне һәм яшәү урынын исәпкә алырга кирәклегенә төшенделәр. Шулай ук, бала организмы өчен кайнар туклану кирәк. Онлайн уеннан соң укучылар үзләре "Сәламәт туклану формуласын" чыгардыар.