“А.Алиш – нигездә балалар язучысы. Ул балаларны ярата, алар белән аралаша, алар белән сөйләшә, аларның телен, теләкләрен, дөньяга үзенчәлекле карашларын яхшы белә иде... “

/Абдулла Әхмәт/

А.Алиш үзенең бөтен гомерен, тормышын, эшчәнлеген балаларга багышлый. Бик яшьтән, мәктәп елларында ук, тәрбия эшләрендә катнаша башлый. Ул тиз арада балалар белән җылы, ышанычлы мөнәсәбәт урнаштыра. Эшен яратып, җиренә җиткереп башкара. Хезмәттә, тормышта актив, коллективта иптәшләре белән яхшы мөгамәләдә була. Балалар оешмалары белән якын элемтәдә тора. Алар үткәргән киңәшмәләрдә катнаша, күп укый, өйрәнә, эшне кызыклырак итеп оештырырга тырыша. Балалар оешмасының активлыгын үстерүгә зур көч куя. Аларны төрле файдалы эшләргә тартырга тырыша. Менә шушы мәгълүмат белән, безнең балалар бакчасында да А. Алиш атналыгы узды. Аның тормыш юлын,  татарча әкиятләреннән: “Мактанчык чыпчык белән тыйнак сыерчык”, “Чукмар белән Тукмар” , “Сертотмас үрдәк” , “Ялкаулык – хурлык, тырышлык – зурлык “ һ.. кебек  мультфильмнарын бик кызыксынып карадылар.