Нәүрүз − төрки халыкларның кышны озату, язны каршылау бәйрәме. Ул 21-22 мартта уза. «Нәүрүз» сүзе фарсы теленнән алынган. Ул «яңа көн» дигәнне аңлата. Бу бәйрәм көн белән төн тигезләшкән чорга туры килә. Нәүрүзне безнең халкыбыз да бәйрәм итә. Бу көнне балалар йорттан йортка кереп, «нәүрүз әйтеп» йөргәннәр. Нәүрүз такмагын әйтеп, алар хуҗаларга бәхет, уңыш теләгәннәр. Хуҗалар исә балаларга бүләкләр әзерләгәннәр: нәүрүз боткасы өчен ярма, йомырка, май биргәннәр. Аннан бөтен авыл халкы нәүрүз боткасына җыелган, бәйрәм иткән. Шулай итеп безнең халкыбыз ял да итә белгән, тырышып эшләгән дә. Безнең балалар бакчасында да «Нәүрүз» бәйрәмен үткәрү йолага әйләнеп китте дисәк тә ялгыш булмас. Менә бүген бездә  балалар белән рәхәтләнеп күңел ачтык, әкият карадык, төрле уеннар уйнадык.