Өлкән кешеләр – безнен әти-әниләребез, әби-бабайларыбыз. Алар бик куп авырлыклар, дөньянын ачысын-төчесен  татыган кешелэр. Аларны өлкән булган өчен генә тугел, ә әти-әниләребез, әби-бабайларыбыз булган өчен дә хөрмәт итәргә тиешбез. Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара. Безнеӊ «Алтын балык» балалар бакчасы да бу чарадан читтә калмады. Бакчабызда эшләп лаеклы ялга киткән өлкәннәребезне чакырып, зур хөрмәт күрсәттек. Бакчабыз мөдире Нуретдинова Гөльмәрям Имаметдин кызы өлкәннәр көне белән котлап, чын күӊеленнән рәхмәт сүзләрен җиткерде:  бу дөньяда куйган хезмәтләрегез, кылган изгелекләрегез өчен рәхмәт сезгә, сезнеӊ киӊәшләрегездән тайпылмабыз, үрнәк булырга тырышырбыз дип тәмамлады сүзен. Ә бакчабызда тәрбияләнүче балалар тарафыннан матур гына концерт күрсәтелде.Чәй табыны янында өлкәннәр бер – берсе белән аралашып, җаннарына бетмәс хатирәләр белән кайтып киттеләр. Сүземне тәмамлап шуны шуны әйтәсем килә, йомшак, сабыр күңелле апаларыбыз,әбиләребез, бүгенге бәйрәмгә килүегез өчен зур рәхмәт сезгә! Гел шундый якты йөзле, баллы сүзле булып оныкларыгызны сөендереп, озак яшәгез!