Безнең  балалар бакчасында  мәктәпкә әзерлек төркемнәрендә булып узган чыгарылыш кичәсе балалар, педагоглар, ата-аналар күңелендә матур мизгелләр калдырды. Балаларның бәйрәмдә әкиятләштерелгән  тамаша геройлары белән берлектә рус һәм  татар телендә шигырьләр сөйләве, җырлавы, килешле итеп вальс әйләнүләре дә һәркемнең күңеленә хуш килде. Балалар үзләрен уңган, зирәк, акыллы итеп таныттылар. «Мәктәпкә җыенабыз», «Сүзләр төзе», «Саннарны тап» кебек уеннарда катнашып, балалар гына түгел әти – әниләр дә беренче имтихан тоттылар. Күңелле, моңсу мизгелләр күп булды  бәйрәмдә. Аны онытылмаслык итеп уздыруда шушы балаларны бакча бусагасын беренче көннән үк бик күп нәниләрне тәрбияләгән, безнең балаларыбызның нәни генә уңышларына да сөенеп, алар белән горурланып, йөрәк җылысын биреп  бала белән һәрчак янәшәдә атлаучы тәрбиячеләребез мактау сүзләренә бик тә лаеклы. Шулай ук музыка җитәкчесебез Айгөл Шәйхеахзамовнага балаларның һәм әти – әниләрнең  рәхмәте чиксез.  – Бүген без 66 баланы тормышның янә бер баскычына күтәрәбез – мәктәпкә озатабыз, – диде кичәнең йомгаклау өлешендә балалар бакчасы өчен җан атып йөрүче бакча мөдире Гөльмәрьям Имаметдиновна. – Алардан да акыллы, мөлаем беркем юк. Без киләчәктә дә алар белән горурланырбыз, яхшы хәбәрләр белән генә куандырып торырлар дип ышанабыз. Балаларга дипломнар һәм бүләкләр тапшырылды. Аннан балалар, бакча бусагасын атлап чыгып, төсле шарларга тынычлык күгәрченен бәйләп зәңгәр күккә очырдылар. Очып киткән шарларга карап, алдагы киләчәк  тормышларында уңышлар телик үзләренә! Ак юллар сезгә, балалар!