Бакча яшендәге балалар бик кызыксынучан булалар бит. Безнең бакчада тәрбияләнүче балалар аеруча кызыксынучан күзәтүчәннәр.Бүген һава торышы бик әйбәт: көн эссе һәм матур. Язның мондый җылы көннәре бик сирәк булгангамы, балалар бүген бик шатландылар. Саф һавага уйнарга чыккач, балалар белән безнең күзәтү минутлары башланды. Көн матур булганлыктан, тереклек ияләре: үрмәкүч, камилә һәм кырмыскалар бөтен җир буйлап йөгерәләр. Әйтерсең алар каядыр соңга калганнар, ашыгалар. Балалар санап та карадылар, әмма санап бетерерлек түгел, алар бик күп иделәр.