Бакчага   йөрүче  балаларның  бакчада бер  генә  була  торган  дулкынландыргыч,  шатлыклы  һәм   бераз  гына   монсу  да  бәйрәмебез үтеп китте. Бүген балалар  бала чакның  беренче  баскычын  үтеп    мәктәпкә  барырга  җыеналар. Шатлыклы   бәйрәм,  дидек.  Әйе,  шатлыклы,  күңелле  бәйрәм, чөнки  балаларыбыз  исән-сау, сәламәт  үстеләр,  бакча  тәрбиясе  алдылар. Аларны  мәктәп көтә. Без  аларга  хәерле  юл  телибез.  Алар  йөрисе  сукмаклар   якты, аласы  белемнәре  төпле,  ныклы, ә  хыяллары  керсез,  саф,  изге  булсын иде. Ак юллар сезгә, балалар!