21 март-Халыкара урманнар көне. БМО инициативасы белән ел саен, 1971 елның  21 мартыннан башлап, бөтен дөньяда Халыкара урман көне яки Бөтендөнья урманнарны яклау көне билгеләп үтелә. Бөтендөнья урманнар көне Төньяк ярымшарда язгы көн белән төн тигезләшү көнендә билгеләп үтелә, ул традиция буенча язның беренче көне булып санала һәм яңа тормыш һәм яңа башлангычлар символы булып тора. Бу көн җәмгыять тормышында урманнарның һәм урман хуҗалыгының әһәмиятенә багышланган.

Бүген без бакчабыздагы балалар белән очрашуга Чүпрәле муниципаль районы участогы  лесничийе  Махмутов Сагит Зиннур улын чакырдык. Урман - ул табигать хәзинәсе. Кеше даими рәвештә аның табигый ресурсларыннан файдалана.  Әңгәмәдә урманда үз-үзеңне тоту кагыйдәләренә һәм урман хуҗалыгы өлкәсендә һөнәри юнәлеш бирү эшенә дә зур игътибар бирелде. Балаларга әңгәмә бик ошады һәм мавыктыргыч булды.