Чыныктыру чараларын системалы рәвештә куллануны өзмичә,чараларны акрынлап арттыра барып, индивидуаль үзенчәлекләрен исәпкә алып кулланганда гына чыныктыру көченә ия булуын истән чыгармаска кирәк. Безнең бакчабызда да чыныгу процедуралары үтәлеп барыла  без мәктәпкә әзерлек төркеме балалары белән йокыдан торгач чыныктыру чараларын даими үткәрәбез. Башта йокыдан уяту, урыннарыбызда яткан килеш төрле хәрәкәтләр белән гәүдәләрне язабыз, барлык балалар да бу хәрәкәтләрне яратып ясыйлар, аннан соң  массажлы юллардан йөрибез, һәм таякчыклар белән яссы табанга каршы таякчыклар әйләндерәбез. Гимнастика балаларга йокыларыннан уянырга ярдәм итә,һәм аларның кәефләре күтәрелә, активлыклары арта.