Үз телен хөрмәт иткән һәр милләт өчен кадерле булган бәйрәм - Халыкара туган тел көне мәктәп китапханәчесе Р.Хөсәенова  оештырган “Тел дигән дәрья бар”  исемле күргәзмәне караудан  башланып китте. Башлангыч сыйныф укытучылары  ”Туган телем-татар теле” темасына әңгәмәләр үткәрделәр.  Ул “Иң татлы тел-туган тел” дигән әдәби- музыкаль кичә белән дәвам иттерелде. Урта яшьтәге укучылар белән сыйныф җитәкчеләре  алдан әзерләнгән презентацияләр буенча язучылар иҗатына багышланган тәрбия сәгатьләре үткәрде. Өлкән сыйныфлар Ф.Әмирханның тәнкыйть өлкәсендәге эшчәнлеге белән киңрәк таныштылар. “Туган телем  - шагыйрьләр теле” шигырь уку бәйгесендә Салахов Н.(6 нчы сыйныф), Миначева Ә. (4нче сыйныф), Хузеева Г.(8 нче сыйныф), Асадуллина Г.(6 нчы сыйныф)  җиңүчеләр дип табылды.Көннең икенче яртысына “Мин татарча сөйләшәм!” акциясе кысаларында “Татар телем-халкымның горурлыгы, яшәеше һәм барлыгы” темасына түгәрәк өстәл янында сөйләшү планлаштырылды.