26 нчы апрель- бөек шагыйребез Габдулла Тукайның туган көне, Шигърият бәйрәме, Туган телебез бәйрәме! Шушы бәйрәм көнне илебезнең төрле төбәкләрендә яшәүче милләттәшләребез Тукай иҗатына мәдхия җырлый, аны хөрмәтләп искә ала.

Башка бәйрәмнәр һәм истәлекле даталар белән беррәттән, бу көн һәркайсыбызның күңелендә аерым урын биләп тора. “Туган телеңне онытсаң, рухыңны югалтырсың…”– дип язган шагыйрь.   Туган телен белмәгән кеше үз халкыннан да, милли тамырларыннан да аерыла, туган җиренә дә ят була. Без күпмилләтле илебездә төрле телләрнең һәм үзенчәлекле диалектларның байлыгын һәм аһәңен саклап калырга тиешбез. Без дә бу бәйрәмнән читтә калмадык. Бөек Тукаебыз иҗат иткән шигырьләрне укыдык, аның сүзләренә язылган җырларны җырладык,әсәрләренә карата рәсемнәр ясадык.  Туган тел көне   һәрвакытта да тынычлык, дуслык һәм татулык бәйрәме булсын!