Сөекле шагыйребез Г.Тукайның вафатына 100 ел тулуга багышланган атналык тематик сыйныф сәгатьләре үткәрү белән башланып китте. Шагыйрь иҗаты буенча игълан ителгән рәсем һәм шигырь конкурсларында  укучылар бик теләп катнашты.  Бүгенге  кичә  татар балалар әдәбиятының күренекле вәкиле   Шәүкәт  Галиев иҗатына багышланган иде. Балалар әдәбиятының үсеше, аңа Г.Тукай керткән өлеш,  шагыйрьнең  балаларда кече яшьтән үк формалашырга тиешле гүзәл сыйфатларны эченә алган  шигырьләре турындагы кереш сүздән соң, 5нче сыйныф укучылары (укытучысы Р.А.Исхакова)   балалар әдәбияты тарихына исемен алтын хәрефләр белән язып куярлык әдип -Ш.Галиев иҗаты буенча  чыгыш ясадылар.Аның юмор белән язылган,  җырлап  торган шигырьләрен  һәркем зур  кызыксыну белән кабул итте. Соңыннан бүгенге көн татар балалар шигъриятенең йөзен билгеләүче  Г.Гыйльманов, Р.Корбан, Л.Лерон, Ф.Яхин, Йолдыз,  И.Солтан кебек талант ияләренең иҗаты хакында 10 сыйныф укучысы  Энҗе Вәлиева чыгышы тыңланды.