Беренче июньнән безнең мәктәптә “Чишмәкәй” дигән җәйге мәктәп сәламәтләндерү лагере эшләп килә. Без лагерьда  һәр көнебезне кызыклы һәм файдалы итеп үткәрәбез. Планлаштырылган чаралар укучыларның интеллектуаль  үсешенә һәм актив ял итүенә юнәлдерелгән. ”Картинг” түгәрәге җитәкчесе Муратов Ф.М. укучыларны “Карт” машинасында йөрү серләренә төшендерә, бәйгеләр үткәрә. Укучылар матур табигать кочагында  ял итеп кенә калмый,  төрле уеннар уйный, дару үләннәре белән таныша.  Тәрбиячеләр файдалы темаларга әңгәмәләр алып бара. Ике отряд арасында төрле бәйгеләр оештырыла. Балалар “Туган якны өйрәнү” музеена экскурсиягә бардылар. Лагерьда ял итүчеләрнең  кызыклы мизгелләре әле алда тагын булачак.