21 нче февраль - Халыкара Туган тел көне. Бу көн 2000 нче елдан башлап ЮНЕСКО карары нигезендә билгеләп үтелә башлады. Туган тел бәйрәме укучыларның яраткан бәйрәменә әйләнеп бара, һәр халыкның телен, мәдәниятен саклауга үз өлешен кертә.

Әлеге уңайдан “Иске Чүпрәле күппрофильле лицей» да  төрле чаралар уздырылды. 9 нчы сыйныф укучылары белән “Минем туган телем”дигән темага әңгәмә үткәрелде, 4- 10 нчы сыйныф укучылары арасында Г.Тукай сүзләренә язылган “Туган тел” җырын башкару бәйгесе булды, 3-6 нчы сыйныф укучылары әкиятләрне сәнгатьле уку бәйгесендә катнашты. Китапханәдә “Туган телнең асыл байлыклары” – китап күргәзмәсе куелды һәм китапханәче  балаларны туган тел көне бәйрәменең тарихы белән таныштырды. Шулай ук бүген 7-11 сыйныфлар өчен “Хикмәтле дә, бизәкле дә туган тел” дип аталган класс сәгатьләре узды.