Театр – кешеләрне тормыш турында уйлану, үз-үзләренә эчтән карау өчен үз тирәсенә җыя торган тылсымлы учакка тиң ул.  Безнең лицейда да  укучыларның дуслыгын ныгытучы, аларны сәхнәдә уйнау серләренә өйрәтүче “Могҗизалар дөньясы” дип аталган  театраль коллектив барлыкка килде. Алар менә ничә айдан бирле тырышып, бөтен көчләрен куеп, сәхнәдә әзерлек алып баралар. Тырышкан хезмәтләренең җимешләрен инде татый да башладылар.

   20 нче апрель көнне театраль коллектив  мәдәният йортында  Рөстәм Мингалимның “Шүрәлеләр үч алмый” спектакленнән өзек  куйды. Әлеге өзекне карарга һәм бәяләргә Буа театрыннан жюри әгъзалары килде.Алар коллективны Төбәкара татар балалар театр коллективлары фестиваль – конкурсында актив катнашулары өчен, Мактау грамотасы “Ният – 2017” белән бүләкләде. Ә  нәни артистларыбызга киләчәктә зур уңышлар, җиңүләр теләп калабыз!