Татар халкының бөек шагыйре Габдулла Тукайның тууына 26 апрельдә 128 ел тулды. Сөекле Тукаебызны бервакытта да истэн чыгармыйбыз, аны яратабыз, зурлыйбыз. Шушы унайдан, без аның иҗатына багышлап, бик куңелле бәйрәм үткәреп җибәрдек. Чарада балаларны Тукай шәхесе, аның иҗаты белән таныштырырга, кызыксындырырга тырыштык. Моның өчен язучының сурәтен күрсәтү, әкиятләрен искә төшерү кебек алымнар кулланылды. Бергәләшеп “Туган тел” не дә җырладык, балалар шагыйрьнең шигырьләрен дә яттан сөйләделәр. Аеруча, безгә барыбызга да, мәктәпкә әзерлек төркемендәге балаларның “Су анасы” һәм ”Шүрәле” әкиятләрен сәхнәләштереп уйнавы ошады. Аларның үз-үзләрен тотулары, осталыклары тамашачыларны кызыксындырып, яратып тыңларга, сокланып карарга мәҗбүр иттеләр. Беркем дә битараф калмады. Бу бәйрәм, гомумән алганда, балаларда Тукай иҗатына мәхәббәт тәрбияләргә дә, сәхнә сәнгатенә өйрәтү өчен дә бик отышлы булды дип уйлыйбыз.