Балалар бакчасында тәрбия эше эчтәлеген яңарта бару, инновацион технологияләрне куллану — тормыш таләбе. Бүген тәрбия эчтәлеге күпкырлы һәм ул үзенә түбәндәге өстенлекле юнәлешләрне берләштерә: балаларның физик һәм әхлакый сәламәтлеген саклау, ныгыту, интеллектуаль тәрбия бирү һәм үстерү, шәхестә культуралылык сыйфатлары һәм рухи кыйммәтләр булдыру, гражданлык тәрбиясе һәм патриотик тәрбия бирү.Безнең "Кояшкай” балалар бакчасы коллективы тәрбия эшчәнлеге эчтәлеген гамәлгә ашырырга ярдәм итәрлек педагогик технологияләрне, ФГТ таләпләрен өйрәнеп балаларга тәрбия- белем бирәләр, эш тәҗрибәләрен үзара өйрәнәләр,фикер алышалар, әти- әниләргә дә җиткерәләр. Март  аенда Валитова Ф.З. 2нче кечкенәләр төркемендә "Урманга барабыз” темасына интегральләштерелгән шөгыль, Айметдинова Н.С.. "Песинең туган көне” – уртанчылар төркемендә стандарт булмаган технологияләр кулланып, ана теле һәм кисеп- ябыштыру шөгыле, зурлар төркемендә Салимҗанова С.Р. "Чәчәк- җиде төс” темасына математика шөгылен презентация ярдәмендә үткәрделәр.