Апрель аенда ил күләмендә Кошлар көне билгеләп үтелә. Безнең”Кояшкай” балалар бакчасы да бу чарадан читтә калмады. Әлеге уңайдан “Кошлар – безнең канатлы дуслар” дигән атналык үткәрелде.Атналык барышында әти-әниләр һәм балалар арасында оста куллар бәйгесе игълан ителде. Рәсемнәрнең, композицияләрнең, кош ояларының төрлелегенә шаккатмалы иде. Иң мөһиме – уртак кул эшләрен күреп балалар сөенделәр. Шулай ук атналыкта җыр-биюләргә, сынамышларга, әйтемнәргә дә зур урын бирелде. Балалар кошлар турындагы белемнәрен табышмаклар, төрле сораулар аша сынадылар. “Җылы яктан кайткан сыерчык” бүләкләр таратты.