Бүген Чүпрәле районы тантаналы рәвештә Әфганчылар көнен билгеләп үтте. Без дә балалар белән музейдагы стенгазета белән таныштык. Анда балаларга Әфганстанда катнашкан Сирачетдинов Дамир Ирфан улының батырлыгы турында сөйләдек. Шулай ук балалар бакчасында йөрүче ике балабызның әтиләре Чечен сугышында катнашкан, аларның кыюлыклары белән балалары үзләре дә горурланып сөйли. Гомумән, балалар үскәч зурлар кебек батыр, кыю булу турында хыялланып бакчага кайттылар.

Бүген без мәктәп музеенда экскурсиядә идек. Максатыбыз борынгы көнкүреш әйберләре белән танышу.

Балалар түгәрәктә төрле һөнәрләргә өйрәнәләр. Бүген без төрле төстәге чүпрәк һәм картоннан курчак ясадык. Балаларга түгәрәктә пөхтәлек, игтибарлылык тәрбияләү бурычы куела.