Салкын кыш үтеп, ягымлы,җылы яз җиткәч халкыбыз бөек Тукайның туган көнен билгеләп үтә. Сөекле Тукаебызны бервакытта да истән чыгармыйбыз, аны яратабыз, зурлыйбыз. Шушы уңайдан Кече Чынлы балалар бакчасында 21 апрельдән 26 апрельга кадәр Г.Тукай иҗатына багышланган атналык узды. Презентация аша тормыш юлын, иҗатын, шигырьләрен, әкиятләрен өйрәндек. Әсәрләреннән төзелгән мультфильмнар карадык, күргәзмә оештырдык, рәсемнәр ясадык. Атналыкка йомгак ясап 24 апрель көнне “Тукай безнең- күңелләрдә” дигән бәйрәм үткәрелде. Бәйрәмгә мәктәптә тәрбия эшләре буенча директор урынбасары Низамова Э.А., китапханәче Хөсәенова Р.А, 1 сыйныф укучыларын hәм укытучы Боhарова Г.С. кунакка чакырдык. Балалар -"нәни артистлар" бер дә сынатмадылар. Ситдикова А., Туктиева И., Бикбаева А., Җәмдиhанова А. шагыйрьгә багышланган шигырьләр сөйләделәр. Фахртдинов И., Хайбуллова Ә.,Салихов Д. hәм Раимов Н. "Бала белән күбәләк", Кызыклы шәкерт" шигырьләрен бик матур сәхнәләштереп күрсәттеләр. Татар халкының "Гөлләр үсә" көенә Хайбуллова Әдилә "Чүәк киям" дигән бию башкарды. Аеруча, балаларга, "Кайсы әсәрдән икәнен бел", "Су анасы",Тукай әсәрләренә ясалган рәсемнәрне (пазлларны) тезү кебек уеннар күңелләренә хуш килде. Бергәләп "Су анасы" мультфильмын карап, балалар кеше әйберен сорамыйча алырга, олыларны алдарга ярамый дигән нәтиҗә ясадылар. "Туган тел" җырын хор белән җырладык, истәлеккә фотога төштек.