Анталык кысаларында "Англиягә сәяхәт" конкурсы узды.Балалар кроссвордлар чиштеләр,күп яңалык белделәр. Чара кызык һәм мавыктыргыч узды.

24 апрель көнне мәктәп укучылары тыл һәм хезмәт ветераннарының өйләрендә булдылар, үзләренең ярдәмнәрен тәкъдим иттеләр, киләчәк бәйрәм белән котладылар.

21 апрель көнне укучылар оешмасы  "Игътибарлы булыйк!" исемле чара уздырды. Укучылар ялгыз яшәүче олы кешеләрнең өйләрендә булдылар, концерт номерлары белән чыгыш ясадылар,"Георгий  тасмасы" бүләк иттеләр.

20 апрель  - донорлар көне. Шул уңайдан мәктәптә  “Кешегә тормыш бүләк ит!” темасына тәрбия сәгатьләре уздырылды. Мәктәп китапханәчесе Фатхуллина Г. И. “Син бу турыда белергә тиеш!” исемле презентация тәкъдим итте, башлангыч сыйныф укучылары белән авылыбыз донорлары өчен символик открыткалар эшләде.Бәйрәм уңаеннан котлауларны шулай ук мәктәп директоры Митаева Н.Х. һәм тормыш иминлеге укытучысы Хусаинов Б. А. кабул иттеләр, аларга балалар открыткалар тапшырдылар 

Бүген мәктәп укучылары өчен "Кырык бернең кара җәе" исемле документаль- нәфис фильм күрсәтелде.Фильмны караганнан соң тарих укытучысы Давлетшин А.Р. балалар белән фильм эчтәлеге буенча әңгәмә корды һәм сорауларга җавап бирде.

18 апрель көнне акция кысаларында 7-8 сыйныф укучылары катнашында флешмоб узды.Укучылар "Нәрсә ул яхшы гамәлләр?" темасына диспутта катнаштылар, соңыннан яхшы гамәлләр эмблемасын асфальтта үзләре төзеделәр.

15 апрель көнне  мәктәптә  "Язгы яхшы гамәлләр атналыгы" башланды. Акциягә старт булып яхшы гамәлләр маршы узды.

Бүген, 17 апрель көнне, "Язгы яхшы гамәлләр атналыгы" акциясе кысаларында 8-9 сыйныф укучылары арасында волейбол ярышлары узды.  Ярыш барышында күтәренке рух, дәрт һәм яхшы энергия балаларны җиңүгә этәрде.

Шагыйрә Флера Тарханованың юбилее уңаеннан мәктәптә шигырь укучылар бәйгесе үткәрелде.Укучылар якташыбыз иҗат иткән шигырьләрне сәнгәтьле итеп сөйләделәр.

Бүген мәктәп янын кардан чистарту буенча өмә булды.