Зәңгәр күк йөзендә язгы кояш нурларын балкытып, табигатьне җылытып туган якларыбызга апрель ае килде. Нәкъ мeнә шушы айда безнең яраткан шагыйребез Г. Тукай дөньяга аваз сала.Бүген безнең бакчабызда  татар халкының бөек шагыйре Габдулла Тукайның туган көне. Барлык кунаклар һәм балалар белән бергә Тукайның "Туган тел" җырын җырладык.Әйе, сөекле шагыйребезне яратабыз, зурлыйбыз. Шигырьләрен, әкиятләрен укып яшәргә өйрәнәбез. Алар безне хезмәтне яратырга, алдашмаска, белемле, көчле булырга өйрәтә. Балалар белән бүген бик матур итеп җырладык, биедек, шигырьләр сөйләдек, Тукайның әсәрләрен бик яхшы беләләр икән. Димәк, безнең балаларыбыз  – яшь Тукайчылар. Киләчәктә газиз Тукаебыз теленә тугрылыклы булып Туган илебезнең сөекле уллары һәм кызлары булып үсегез!