Бүген бакчабызда яраткан әтиләребез кунакта. Без аларга үз кулларыбыз белән ясаган бүләгебезне тапшырдык, өйрәнгән шигырьләребезне сөйләдек, җырладык, әкият, төрле биюләр бүләк иттек. Бәйрәм хөрмәтенә узган шашка ярышында җиңүче кызыбыз - Сафина Адилә Салават кызына бакчабыз мөдире Рамилә Әнвәр кызы грамота тапшырды. Иң кызыгы - әтиләр дә безгә буш кул белән килмәгәннәр. Әмиребезнең әтисе - Фәтхетдинов Илдар бакчабызга чын курай бүләк итте, шул курайда уйнап та күрсәтте! Балаларыбызның шатланганын күрсәгез иде.  Бәйрәм ахырда чәй табыны артында дәвам итте. Әтиләр бездән бик канәгать булып киттеләр.

15 нче февраль - герой шагыйрь Муса Җәлилнең туган көне хөрмәтенә искә алу кичәсе булды. Балалар шагыйрьнең тормыш юлы, тоткындагы язмышы турында белделәр. Муса Җәлил сүзләренә язылган җырлар җырланды, шигырьләре сөйләнде. Ул мәңге безнең йөрәкләрдә!

Мультимедийный видеопроектор безнең эшчәнлегебездә алыштыргысыз ярдәмчебезгә әйләнде. Алган белемнәребезне ныгыту өчен менә дигән чара булып тора.