Бүген бакчабызда хатын-кызлар көненә багышланган бәйрәм булды. Малайлар ярыштылар, көч сынаштылар. Кызларыбызны бәйрәм белән котлап җырладылар, биеделәр. Әниләргә бүләкләр әзерләделәр. Барлык хатын-кызларны да бәйрәм белән котлыйм, уңышлар телим.

Сәламәтлек - иң зур байлык, диләр. Менә безнең сабыйларыбызның да сәламәтлеген даими тикшереп торалар. Бүген дә Чистайдан логопед белән балалар врачы килде.

Туган тел... Бу көнне балалар белән туган телгә багышланган җырлар, шигырьләр сөйләдек. Әкиятләр карадык. 

Бүген бакчабызда әтиләр бәйрәме булып үтте. Әтиләребезне бәйрәмгә чакырдык. Әтиләр дә, бабайлар да килделәр. Бик күңелле булды. 

Герой - шагыйрь Муса Җәлилнең туган көнен искә алып үттек. Балалар аның иҗаты белән якыннанрак таныштылар. Һәм аларда патриотик хисләр уянды.

Балаларга видеопроектор ярдәмендә юл кагыйдәләрен ныгыту буенча презентация күрсәтелде. Балаларга бик ошады һәм истә калды.

     Ибрагимова Зөлфия (Инсафның әнисе) кызлар белән бик кызыклы һәм мавыктыргыч эш үткәрде. Кызлар бик яратып апалары өйрәткән чәчәкләрне ясадылар һәм канәгать калдылар.

      Мәйданчыкка чыккач, балалар бик теләп кошлар ашаталар. Алар өйләрендә дә җимлекләр ясап куйдылар.