Февраль аенда укучыларга гражданлык-патриотик тәрбия бирү максатыннан Лицеебызда төрле чаралар булды. 6-в сыйныфында  шәһәрдә күпләргә таныш Мезинов Павел Васильевич белән очрашу үткәрелде. Павел Васильевич солдат булу чорындагы күргәннәре, Әфган сугышында булган коточкыч хәлләр  турында сөйләде. Чернобыльдә ниләр күрүе турында мавыктыргыч хикәятләре белән укучыларның  игътибарын җәлеп итте.Ир-ат булу өчен ир булып туу гына түгел, ә үзеңдә көчле рух тәрбияләүнең мөһим икәнлен дәлилләде. Укучыларга инде бүгенге көндә үк зур тормышка җитди  әзерлек башлау кирәклеген аңлатты.

“Туган илгә мәхәббәт ,Ватанга тугры булу- гаиләне ярату һәм гаиләгә тугры булу кебек изге нәрсә. Без туган илнең  чын патриоты булып үсәргә тиеш.Моның өчен инде кечкенә вакыттан ук сез көчле рухлы шәхес булырга тиеш!..”- диде Павел Василевич.

Укучыларга төрле чорда төшкән фоторәсемнәр карарга тәкъдим итте.Противогаз,респираторлар да алып килгән.Алардан ничек итеп дөрес файдаланырга икәнлеген дә күрсәтте. Укучыларга  хәтта аларны үзләренә киеп тә карарга д рөхсәт бирде.

Хөрмәтле Павел Василевич! Лицей администрациясе,сыйныф җитәкчеләре,укучылар сезгә зур рәхмәтләребезне белдерәбез. Сезгә иң мөһиме- ныклы сәламәтлек,гаиләгезгә иминлек, эшегездә зур уңышлар телибез.