«Сабантуй» – якын дустыбыз.

Безнең лицей укучылары ”Сабантуй” газетасы белән дуслашты. Укучыларны аның белән таныштыручы – татар теле һәм әдәбияты укытучысы Абдуллина Дания Дамировна. Укытучы укучыларга газетаның һәр санын алып килә,алар бергәләп  укыйлар, балалар иҗаты, яңалыклар белән танышалар, конкурсларда катнашалар. Балалар  үзләре дә яза башладылар. Укучыларның һәр иҗат җимешләре басылып тора. Һәр санны көтеп алабыз, анда басылган һәр эшебезгә мәктәбебез белән шатланабыз. Укучылар “Сабантуй” аша, иң мөһиме, татар телен өйрәнәләр.Үз иҗатларын республика газетасы битләрендә күргәч, татар теле белән кызыксынулары тагын да арта. Бу бик сөенечле, чөнки иҗат итүче укучылар арасында татарлар да, руслар да бар. Төрле милләт балаларын үзенең туган теле белән  кызыксындыра алганына Дания Дамировна бик шат. “Бу эштә “Сабантуй”ның өлеше зур”-, ди укытучы. Фәнне өйрәнүдә кызыксыну булмаган очракта, эшнең нәтиҗәсен берничек тә күреп булмый.