19 нчы февраль көнне 1нче гимназия муниципаль бюджет белем бирү учреждениесендә шәһәр һәм районыбызның татар теле һәм әдәбияты укытучылары өчен “Татар теле һәм әдәбияты дәресләрендә Федераль дәүләт белем бирү стандартларын тормышка ашыруда инновацион технологияләрне куллану” дигән темага муниципаль семинар үткәрелде. Гимназиянең милли мәсьәләләр буенча директор урынбасары Сабитова Л.М. килгән кунакларны гимназиядә милли белем һәм тәрбия бирүнең торышы белән таныштырды, татар теле һәм әдәбияты укытучысы Сибгатуллина Ф.З. “Сәләтле балалар белән  эшләү” дигән темага доклад белән чыкты, калган укытучылар ачык дәресләр һәм дәрестән тыш чара күрсәттеләр: 5 нче сыйныфның татар төркемендә Н. Исәнбәтнең “Туган ил” шигыре буенча “Анда мин дә сандугач” дип аталган темага татар әдәбияты дәресе (укытучы Сәхапова Ф.А.), 4нче Б сыйныфының рус төркемендә “Раслау һәм инкяр җөмләләр” дип исемләнгән татар теле дәресе (укытучы Киснеева А.М.), “Туган телем – бәхет иле” дип аталган әдәби-музыкаль кичә (укытучылар Шәйхетдинова Р.М., Мурзина Л.И.). Укытучылар яңа эш формаларын һәм методларын кулланып эшләүгә, уңышлы алымнарны эзләүгә һәм куллануга зур әһәмият бирәләр.

Укытучы хезмәтенең төп күрсәткече - укучының белем дәрәҗәсе. Яңа буын укыту стандартлары таләп иткәнчә, укытучы укучыларны эзләнергә, кирәкле мәгълүмат табарга өйрәтергә тиеш