“Туган җирем шигырь юлларында” дип аталган темага үткәрелгән дәрес җирле язучыларның туган җиргә багышлап язылган шигырьләренә нигезләнеп эшләнде. Дәрес Розалия Шәйхетдинова сүзләренә Илназ Хасанов язган “Чистаем-туган оям” җыры белән башланып китте. 6 нчы сыйныф укучылары сәнгатьле итеп шигырь укыдылар һәм кыскача шигырьләрнең эчтәлеге белән таныштырдылар, шигырь авторларының тормышы белән кыскача таныштырып үттеләр. Шушы сыйныф укучысы Анастасия Смирнова үзенең мәктәпкә багышлап язган шигырен укып үтте. “Туган җир ул була бер генә, туган җирнең кадерен бел генә” юлларыннан чыгып әңгәмә үткәрелде һәм укучылар “туган җирне яратырга, аны күз карасыдай сакларга кирәк” дигән фикергә килделәр.