, уКүп тел белгән саен башка халыкларның да мәдәниятен, аларның тарихын үзләштерәсең дигән сүз бит. Монысы инде кешенең ни дәрәҗәдә киң карашлы һәм тирән белемле икәнен аңлата. Безнең мәктәп рус мәктәбе санала, шул сәбәпле укучыларда ана телен өйрәнүгә кызыксыну уяту зур тырышлык сорый. 40 минутлык дәрестә генә баланы татарча сөйләшергә өйрәтеп булмый, шунлыктан төрле кызыксындыру чаралары, дәрестән тыш эшләр, татар телендә газета чыгару, дәресләрдә төрле темага караган презентацияләр күрсәтү һәм башка эшләр эшләнелә. Гимназиядә һәр татар теле атналыгы үткәрелә. Укучылар төрле чараларда теләп катнашалар, үзләренең иҗади сәләтләрен күрсәтәләр. Гимназиядә эшләүче татар теле укытучылары баланың нинди төркемдә укуына карамастан, татар теле һәм әдәбияты дәресләрендә, сыйныфтан тыш вакытта үткәрелгән әдәби кичәләрдә телебезнең кагыйдәләрен өйрәтәләр, әдипләребезнең әсәрләре белән таныштыралар. Татар халкының әдәп кагыйдәләрен, гореф-гадәтләрен, йолаларын, милли уеннарын өйрәтәләр. Мәктәбебездә узган әдәби кичәләр, милли уеннар, шигырь бәйрәмнәре-болар барысы да укучылар хәтерендә эз калдыралар.