Инвалидлар декадасы кысаларында 8 нче сыйныф укучылары Хөснелгатин Мәүлетләр йортында булдылар. Киң күңелле ир тормыш иптәше Акълимәнең бертуган сеңлесе Альбинаны үз өенә яшәргә алды. Шулай итеп инде менә берничә ел Альбина апасы һәм җизнәсе тәрбиясендә яши. Янына хәл белергә килүче укучы балаларга чын күңеленнән шатлана ул. Физик мөмкинлекләре чикләнгән булуына карамастан Альбина рәсем ясарга ярата, яза белә. Балаларга үзе ясаган рәсемнәрен дә, язуларын  да күрсәтте. Укучылар Альбина апалары белән сөйләшеп утырдылар, бергәләп чәй эчтеләр. Егетләр алып килгән күчтәнәчләргә ул бик сөенде. Очрашу укучыларыбыз күңелендә уңай тәэсирләр калдырды. Мәрхәмәтле булыйк, кешеләрне шатландырып яшик!