Тормыш тарафыннан мөмкинлекләре чикләнгән, кыю, батыр кешеләрне искә алу көне уңаеннан  Туймәт төп белем мәктәбенең 9 нчы сыйныф укучылары җитәкчеләре Шиһапова Рәмилә Вәлиәхмәт кызы һәм география укытучысы Сәгыйрова Лындыш Мөҗип кызы белән берлектә ачык сыйеыф сәгате үткәрделәр. Чара барышында мөмкинлекләре чикләнгән кешеләрнең тормышта үз урыннары, яшәргә үзләрендә зур көч табулары, рухи дөньяларының бай булуы күбебездә үрнәк булуы хакында сүз барды.  Шәфкатьлелек, миһербанлылык, көләч йөз, тәмле сүз, кешенең эчке дөньясының бизәге икәнлеген матур шигырь юллары, презентация, халык мәкальләре, төрле хикәяләрдәге язмышлар аша чагылдырылды сыйныф сәгатендә.