Туймәт төп белем мәктәбен быел 3 укучы гел "5" ле билгесенә генә тәмамлады. Аларның икесе башлангыч сыйныфларда укыса, урта звенода иң яхшы укучы исеменә лаек егетебез 7 нче сыйныфны тәмамлады.  Ул - Шиһапов  Инсаф. Инсаф башлангыч сыйныфлардан ук бары тик "5"ле билгеләренә генә укырга тырыша.  Ул укуда гына түгел  җәмәгать эшләрендә дә,  спорт ярышларында да, тимурчылыкта да һ.б. бик  күп төрле мәктәптән тыш эшләрдә дә үзен актив яктан күрсәтә. Сыйныфташлары да Инсаф үрнәгендә бары тик яхшы билгеләр алып укырга тырышалар. 

"Бөек Җиңүнең 70 еллыгына 70 "5" ле" конкурсында да Инсаф сыйныфташлары арасында беренче урынны яулады. Киләчәктә дә укучыбызга укуында уңышлар теләп калабыз.