Туймәт төп белем мәктәбендә укучылар эшчәнлеге төрле оешмаларда бик актив рәвештә алып барыла. 8 - 9 нчы сыйныфлар Балалар Думасын җитәкләсә, урта звено - 5 - 7 нче сыйныфлар Татарстан Варислары берлегендә эш алып баралар, ә 1 - 4 нче сыйныфлар - Эзтабарлар сафында. Һәр оешманың үзенә күрә җаваплылыгы, бурычлары, максатлары куелган, командирлары билгеләнгән. Эзтабар һәм варислар галстугын тагып йөрүче укучы - тырыш, һәркемгә үрнәк, ярдәмчел. 19 нчы май - Пионер туган көн буларак билгеле. Без дә әлеге истәлекле дата уңаеннан шушы көннәрдә 4 нче сыйныф укучыларын Татарстан варислары берлеге сафларына кабул иттек. 

Хөрмәтле, 4 нче сыйныф укучылары! Сезне Варислар сафына кабул ителүегез белән ихлас котлыйбыз. Варис буларак физик яктан көчле, кыю, илебезнең чын гражданнары булып үсүегезне телибез. Иң изге теләкләр белән "Дуслык" исемендәге дружина.