Язгы табигать гүзәллеге, сафлыгы  белән сәяхәткә дәшә.  Туймәт төп белем мәктәбенең башлангыч сыйныф укучылары да җитәкчеләре белән букчаларына тәм-томнарны салып, экскурсиягә юнәлделәр. Әрәмә буйлап язгы табигатьтәге үзгәрешләрне, төрле төстәге чәчәкләрне күзәтеп, кошлар сайравын тыңлап сәяхәт иттеләр алар. Чишмә буенда туктап ял итеп, сыйланып, саф салкын чишмә суыннан авыз итеп кайтыр юлга чыктылар. Экскурсиядән һәркем канәгать калды.