Кичә район үзәгендә Чирмешән районы укытучыларының август конференциясе булып үтте. Киңәшмә барышында мөгаллимнәрне һәм районыбыз җитәкчелеген борчыган мәсьәләләр, шатландырырлык уңышлар, киләчәктә эшлисе эшләргә кагылышлы темалар  кузгатылды. Республика югарылыгындагы кунак та бар иде конференциядә.  Мәгариф һәм  фән министры урынбасары Лариса Сулима зур уңышлар яулаган укытучыларга төрле дәрәҗәдәге бүләкләр тапшырды.

Инде традициягә кереп баручы күренеш - мәктәп коллективлары Яшьләр мәйданчыгында үз куллары һәм балалар ярдәме белән эшләнгән төрледән-төрле матур әйберләрен, тәмледән-тәмле ризыкларын тәкъдим итеп кече ярминкә оештырдылар. Без - Туймәт төп белем мәктәбе коллективы оештырган сәүдә ноктасы янында да кеше өзелмәде. Килгән кунакларга кызлар кайнар чәй, тәм-томнарны тәкъдим итеп тордылар. Сатып алучылар да безнең продукциянең сыйфатыннан бик канәгать калдылар.