Бүген Туймәт төп белем мәктәбе укытучылары Сәгыйрова Ландыш һәм Шиһапова Рәмилә авылыбызның хөрмәтле тыл ветераны Сәүбанов Мөгаллимә әбинең хәлен белеп кайттылар. Әби белән бик җанлы сөйләшү - әңгәмә булды. Мөгаллимә әби сугыш елларын, тылда күргән авырлыкларын тыныч кына сөйли алмады, аның күзләреннән яшь кипмәде. "Бигрәк матур заманада яшибез бит, дөньялар гына тыныч булсын иде", -  дигән җөмләләрне кат-кат кабатлады тыл ветераныбыз. Рәхмәт, сезгә, ветераннар!