Туймәт төп гомумбелем бирү мәктәбе укучылары,укытучылары,21 нче февраль-Халыкара туган тел көне уңаеннан,Аксубай районы, Иске Кармәт авылындагы Хәсән Туфанга багышланган музейга экскурсия сәфәре ясады.Шагыйрьнен туган йорты музей-йорт итеп бик эчтәлекле һәм тәэсирле тарихилаштырылган. Балалар,укытучылар төрле экспозицияләр,шәхси әйберләр куелган витриналар,җылы хисләр белән сугарылып язылган хатлар,истәлекләр һ.б. белән танышып, экскурсоводны яратып тынлап, экспонатларны кызыксынып карап,Хәсән ага, аның тормыш юлы, иҗаты турында күп мәгълүмат алдылар.Музейда, әлбәттә, экскурсоводтан башка йөреп булмый.Без дә экскурсовод Тәгзимә Ислам кызына үзебезнең зур рәхмәтебезне белдерәбез.Һәркем аны рәхәтләнеп һәм игьтибар белән тыңлады.Экскурсия барыбыз өчен дә кызыклы һәм файдалы булды,музейдан матур фикерләр,якты уйлар белән кайттык.