9 декабрь - Ватан Геройларын искә алу көне. Бу көн зур игътибарга лаек. Туймәт төп белем мәктәбе укучылары һәм укытучылары да бу өлкәдә актив эш алып баралар. Әледән-әле мәктәп һәм районыбыздагы музейларга, геройлар аллеясына, Титов һәйкәленә экскурсияләр оештырыла. Әфган, чечен җирләрендә хезмәт иткән авылдашларыбыз белән очрашулар үткәрелә, билгесез солдат һәйкәле янында әңгәмәләр корыла.

Бүген дә кече сыйныфларда җитәкчеләре Ватан Геройларына багышланган әхлак сәгатьләре, ә 6 - 9 сыйныфлар өчен тарих укытучысы Сәүбанова З.М. мәктәп музеенда тантаналы линейка үткәрде. Анда Чирмешән районыннан чыккан Советлар Союзы геройлары Б.Г.Габдрахманов, И.Н.Конев, П.С.Курасанов, С.А.Ларионов, П.А.Цаплин, Россия Герое А.А.Супонинскийларның гыйбрәтле язмышлары турында бәян ителде. Бу кешеләр илнең якты киләчәге хакына зур батырлыклар кылган. Алар мәңге безнең күңелләрдә һәм хәтердә! Әлеге чараларда укытучылар патриотик тәрбия бирүне төп максат итеп куйдылар.