Ана - Бөек исем,

Нәрсә җитә ана булуга;

Хатыннарның бөтен матурлыгы,

Бөтен күрке ана булуда.

- Әни!

Җир йөзендә иң матур сүз - әни. Ул - һәр кеше әйтә торган беренче сүз һәм дөньядагы барлык телләрдә дә ул бердәй ягымлы. Әни куллары - иң мәрхәмәтле һәм назлы куллар, алар барын да эшли ала. Әни йөрәге иң тугрылыклы һәм сизгер йөрәк: аңарда аңарда мәхәббәт беркайчан да сүнми, ул бернәрсәгә дә ваемсыз булмый. Һәм биш яшьме, илле яшьме - күпме генә булмасын, - кешегә һәрвакыт әни  кирәк, аның иркәләве, ягымлы карашы кирәк. Әниеңә никадәр мәхәббәтең зур булса, тормышың да шулкадәр шатлыклы һәм якты була.

Без, Туймәт төп белем мәктәбе укучылары һәм укытучылар коллективы, аналар бәйрәмен зурлап, олылап  үткәрәбез. Быелгысы елны да авыл мәдәният йортында "Әниемнең җылы куллары" исеме астында үткән кичәдә бик теләп катнаштык. 

Укучылар, һәрберегез әни-әтиләрегезне, әби-бабайларыгызны яратыгыз, хөрмәтләгез, саклагыз, чөнки җир йөзендә алар сезнең өчен иң кадерлеләр. Кичәдә катнашкан өчен барчагызга да зур рәхмәт.