Халыкара өлкәннәр көне уңаеннан,төрле елларда мәктәптә (мичкә утын кисеп, утын  яккан чорларда, идән юар очен суны мәктәп котельниеннан ташып юган вакытларда) техник хезмәткәр булып эшләгән апаларыбызны, хөрмәтле өлкән буын вәкилләрен  мәктәп коллективы исеменнән бәйрәм  белән котлау өчен, зур сыйныф укучылары һәр ветеранның өенә барып,  чәчәк  һәм бүләкләр тапшырдылар ,өлкәннәргә үзләренең матур теләкләрен җиткезделәр.Үзләре дә өлкәннәрдән зур рәхмәт сүзләре ишеттеләр.
Кадерлеләребез! Сез заман авырлыкларына бирешмичә илебез уңышы өчен көчегезне кызганмадыгыз. Бу дөньяда куйган хезмәтләрегез, кылган изгелекләрегез өчен рәхмәт сезгә! Сезгә саулык-сәламәтлек, һәр туар таңга сөенеп, дөньяга ямь биреп яшәгез, урыннарыгыз өйнең түрендә булсын! Бәйрәмегез белән!
Сәламәтлек ташламасын сезне,
Һәр көнегез үтсен шатлыкта.
Яшәү яме, дөнья иминлеге
Юлдаш булсын сезгә картлыкта.

Мәктәпне тәмамләп, авылдан чыгып киткән, төрле  эш урыннарында эшләүче үзебезнең укучыларыбызга, ир-егетләребезгә, өлкәннәрне бәйрәмнәре белән бүләкләүдә булышканнары  өчен олы рәхмәтләребезне юллыйбыз!