Туймәт төп белем мәктәбе укытучылары һәм укучылары Болгар җиренә сәяхәт кылдык. Укучыларыбыз да Изге Болгар җиренә барырга тәкъдим иткәч, шатланып риза булдылар. Зур, иркен автобуста бару бик рәхәт булды. Башка район чикләрен узып, тирә-якны күзәтеп, дөньяның матурлыгына сокланып бара-бара,килеп җиткәнне сизми дә калдык. Экскурсовод Люция ханым безне бик җылы каршы калды һәм борынгы бабаларыбыз йөргән җирләр, тарихи объектлар, андагы экспонатлар белән якыннан таныштырып, сәяхәтебезне бик җанлы, кызыклы,эчтәлекле, тарихи планда оештырды. Болгар – данлы тарихыбыз ядкаре булуын аңлатып, горурлыгыбызны арттырды. Аңа без бик рәхмәтле. Сәяхәттән бар кеше дә бик канәгать калды. Изге урыннарга яңадан бару теләге белән кайттык.