Татар халкының милли бәйрәме – Сабантуй. Соңгы елларда халыкның туган җиренә, милли мәдәниятенә игътибары көчәя бара. Бу исә балаларда кече яшьтән үк ана теленә, үз милләтенең традицияләренә мәхәббәт, ихтирам тәрбияли. Шушы максаттан балалар бакчаларында һәм мәктәпләрдә элек-электән килгән милли бәйрәмнәрне билгеләп үтү дә зур әһәмияткә ия. Милли бәйрәмнәр халыкны милләт итеп берләштерә торган чараларның берсе. Аларда өлкәннәр дә теләп катнаша, алар кеше күңелендә бик озак саклана. Сабантуй, әнә шулай хәтергә кереп кала торган бәйрәмнәрнең берсе. Сабантуй татар халкының милли бәйрәме. Сабантуй – ул хезмәт бәйрәме, Сабантуй – ул дуслык бәйрәме. Без мәктәбебездә ел саен Сабантуй бәйрәме уздырабыз. Быел да бик матур, оешкан төстә узды. Төрле уеннар, ярышлар белән, тәм-томнар белән сыйланып бәйрәмебезне уткәрдек.